التوك توك المكار

هل حد كان يتخيل اللى جرالنا و جرى لشوارعنا ؟ حد كان يحلم فى أشد كوابيسه سواداً إن المتوسيكل أبو تلات عجلات اللى كنا بنشوفو فى الأفلام الهندى زمان و بنضحك على شكله الغبى حينتشر فى شوارعنا بالصورة

دى ؟ [if !supportLineBreakNewLine] [endif]

هذا المتوسيكل الثلاثى العجلات المدعو التوك توك و الذى أقتبس أسمه من صوت محركة اللى بيعمل تكتكه عجيبة الصوت و هو ماشى ..

التوك توك دة بقى دليل واضح على فقر و تخلف البلد التى بينتشر فيها ..

فهو منتشر بشدة فى البلاد اللى معندهاش قانون مرور صارم يمنع سيره فى شوارع المدينة..

و نظراً لصغر حجمة فهو مناسب برضه للشوارع الغير ممهدة الضيقة اللى هي برضة من صفات الدول المتخلفة للأسف زينا كدة.. !

و التوك توك لأنه خطير جداً على الأرواح و الممتلكات لخفة وزنة و هيكلة الضعيف و سهوله تعرضه للحوادث فهو محظور السير فى الطرق..

و بالتأكيد دة مش بيحصل فى بلدنا ، فالتوك توك بقى جزء من حياتنا اليومية ، مين فينا مش بيقابل على الأقل توك توك ولا أتنين كل يوم ؟

أنا شخصيا بشوفه يوميا على الكورنيش و الترام و كل مكان فى مدينتى الحبيبة الأسكندرية ...

على فكرة أنا مش ضد فكرة أن لازم يكون فى وسيلة مواصلات سريعة و رخيصة للناس المحتاجة لكدة..

و لا أنا ضد الشباب اللى بتعمل مشروع زى شراء توك توك و تشتغل عليه.. دة حاجة مش عيب و حق مشروع فى البحث عن لقمة عيش حلال و حياة كريمة ..

بس ليه ما يكونش دة فى إطار إحترام النظام و أخلاقيات الشارع...

أخلاقيات الشارع اللى بينظمها فى المقام الأول الناس اللى فى الشارع و دة طبعاً لغياب سلطة المرور فى معظم الشوارع و التى تظهر فقط فى الشوارع الرئيسية فى أغلب الأوقات ..

يعنى لازم يكون فى بروتوكول تعاون مرورى مع التوك توك طالما هو بقى واقع ..

ومن أهم أساسيات البروتوكول دة يكون عدم السير عكس الإتجاه..

و عدم تشغيل الأغانى (المهرجانات) بصوت مدوى مستفز..

و كمان لازم الإلتزام بان اللى شغال سواق على التوك توك يكون معاه

رخصة موتوسيكل علشان يكون فى السن القانونى..

يعنى مايكونش السواق عيل صغير غير مسئول عن أرواح الناس اللى

راكبين معاه و اللى كمان ماشيين فى الشارع و لا العربيات اللى حواليه !! ..

و أخيراً ياريت كمان طالما التوك توك المكار بقى حته مننا و إحنا حته منه..

نداء للسادة المستوردين لهذة الألات العجيبة - اللى مش فاهم بتدخل البلد

إزاى و هى محظورة - ياريت يا بهوات يكون فى ألوان تانية للتوك توك

يعنى مش لازم أم اللون الأسود القاتم دة يعنى مثلا ليه مفيش توك توك

أحمر أو أصفر أو ليلا أو فحلقى حتى ؟؟ حرام عليكم كفايه السواد اللى ملأ

حياتنا ..

و بعدين خلو التوك توك ألوان علشان حلاوته تبان ...

سير يا توك توك فى أمان ..

هى يعنى جت عليك !!

محمود عكوش ..

محمود عكوش ..